ప్రాచీన భారతీయులకు అక్షర సుమాంజలి (వేద కాల సమాజము)

నేను “ప్రాచీన భారతీయులకు అక్షర సుమాంజలి (వేద కాల సమాజము)” © 2017 అను గ్రంధమును రచించి ది. 21.01.2017 తెదీన ఆవిష్కరించియున్నాను అని మీకు తెలుసు. మిత్రుల, పాఠకుల కోరిక మేరకు ఆ పుస్తకమును ఇప్పుడు పునర్ముద్రించాను. నేను పరిశోధించి రచించిన ఈ పుస్తకములో పురావస్తు ఆధారాలను హిందూ గ్రంథములలో చెప్పిన అంశములను అనుసంధానము చేసి  ప్రాచీన సప్త సింధు పరీవాహక ప్రాంతమే మన వేద భూమి అని నిరూపణలు చేశాను. ఈ పుస్తకములో 250 పైన సంస్కృత శ్లోకములను  తాత్పర్య సహితముగా ఇవ్వడమైనది. (అధర్వణ వేదం 85 శ్లోకములు, ఋగ్వేదము వేదం 30 శ్లోకములు, యజుర్వేదము వేదం 24 శ్లోకములు , మనుస్మృతి 15 శ్లోకములు, రామాయణం 95 శ్లోకములు). ఈ పుస్తకములో 58 చిత్రములు, 22 మ్యాప్ లు ఉంటాయి. మొత్తము 265 పేజీలు.

నా పుస్తకము చదివితే ఆర్య జాతి అనే అంశం ఒక అపోహ అని అర్థమవుతుంది. పురాణాలలో పదే పదే ఉంటంకించిన త్రిపురములు ప్రాచీన సింధు లోయలోనే విలసిల్లినవని, ప్రస్తుత మొహంజో దారూనే రావణాసురుని లంకా నగరమని నిర్ధారితమవుతుంది. అలాగే హరప్పానే అసలు అయోధ్య అని తెలుస్తుంది. జంబుద్వీపమన్నా, సత్యలోకమన్నా, మత్స్యలోక మని అన్నా అది ఇప్పుడు చోలిస్తాన్ ఎడారిలో  ఉన్న గన్వేరివాలానే నని తెలుస్తుంది. వాస్తు శాస్త్రము సప్త సింధు ప్రాంతములోని భౌగోళిక అంశాలకు ముడివడి ఉంటుంది అని తెలుస్తుంది. అలాగే పురాణములు చెప్పే కృత, త్రేతా, ద్వాపర మరియు కలి యుగములు అన్నీ కుడా సింధులోయ ప్రాంతములోనే సంభవించినవని తెలుస్తుంది. మొత్తానికి మన పురాణ ఇతిహాసములలోని కథలు కాకమ్మ కథలు కావని వాస్తవంగా జరిగినవని నా పుస్తకము ద్వారా తెలుసుకుంటారు.

మరియు హిందూ మతము యొక్క సంస్కృతి సాంప్రదాయములకు సంబంధించిన ఎన్నో సందేహాలకు సమాధానములు దొరుకుతాయి. సంస్కృత భాష అంటే ఏమిటి, శివుని లింగ రూపంలోనే ఎందుకు పూజిస్తారు, బ్రహ్మను ఇప్పుడు ఎవరి రూపంలో పూజిస్తున్నారు, వేద కాలంలో రాముని, కృష్ణుని, శివుడిని ఆరాధించ లేదేమిటి, బ్రహ్మకు రుద్రునికి గల సంబంధం ఏమిటి, సవితా దేవి బ్రహ్మను ఎందుకు శపించింది, బ్రాహ్మణులు ఎడమ భుజమును ఉత్తరీయముతో ఎందుకు కప్పుకుంటారు, బుద్ధుడు బ్రాహ్మణ వ్యతిరేకి అయితే ఆయన కూడా ఎడమ భుజాన్ని ఉత్తరీయముతో ఎందుకు కప్పుకున్నాడు,… ఇలా ఎన్నో అంశాలకు సమాధానాల కొరకు నా పుస్తకము చదవండి. 

Published by:

Author, writer, researcher, editor,

D V S Janardhan Prasad,

BE, LLB, MA (History), MA (Sociology), MA (Astrology)

D No. 14-6-1/3, Near to Electric Guest house,

Mogultur road,

NARASAPURAM -534275,

W G Dt., AP